Ekainaren 5etik irailaren 29ra bitarte ikastaro aukera zabala izango dute herritarrek.
Udako surf ikastaro bat. (Argazkia: Bera Bera)
k
Uda 2017 kanpainaren aurkezpena egin du gaur. Bertan,
45 kirol erakundeek hartuko dute parte eta kirol eskaintza zabala prestatu dute.
Ekainaren 5ean hasiera emango zaie ikastaroei eta irailaren 29ra arte luzatuko dira.
Eskaintza bi multzotan banatu dute: 16 urte arteko eskola umeei zuzendutako eskaintza, alde batetik; eta, beste alde batetik, gazte zein helduei zuzendutakoak. Kanpaina honetan, urtero, 15.000 herritar inguruk hartzen dute parte, eta kirol hautatuenak izaten dira surfa, igeriketa, tenisa, eta piraguismoa.
Eskola umeen artean, urtetik urtera gero eta arrakasta handiagoa izaten ari dira kirol anitzeko izaera duten jarduerak, goiz edo egun osokoak: batzuk hizkuntzekin konbinatuta, besteak surfarekin edo ingurugiroarekin erlazionatuak, bazkaria zein bazkaririk gabe… Aurreko urtean jarduera horietan 4.000 haurretik gora hartu zuten parte.
Jarduera horiez gain, Uda 2017 kanpainak
80 jarduera ezberdinen artean hautatzeko aukera ematen du, besteak beste, arrauna, arku-tiraketa, urpeko jarduerak, water-poloa, belaontzia, zesta punta, esku pilota, badmintona hondartzan, atletismoa, mendiko txirringa, eskalada, esgrima, hipika…
Aurretiazko izen emateak, maiatzaren 8tik 11ra
Azken urteotan egindako izen emate sistemarekin jarraituko dute,
bi fasetan diseinatuta: aurretiazko izena emateko fase bat,
maiatzaren 8tik 11ra. Egin ahal izango da Interneten bidez (
www.donostiakirola.eus) eta baita aurrez aurre ere, erakunde antolatzaileek jarritako bulegoetan.
Egindako aurretiazko izen emate guztiek maiatzaren 12an egingo den zozketa batean parte hartuko dute, eta, plaza lortzen dutenek astebeteko epea izango dute ordainketa egin ahal izateko eta, beraz, plaza egiaztatzeko (ordainketa Donostia Kirola-ren webgunearen bidez edo aurrez aurre klubek jarritako bulegoetan egin ahal izango da).
Bigarren faseari maiatzaren 29an hasiera emango zaio, egun horretatik aurrera libre dauden plazen izen emateak egin ahal izango dira, Internet zein bulegoetan.
