AB Krosa lasterketarako azken entrenamendu herrikoia egingo dute

Nerea Lizarralde

2017/05/29

AB Krosa lasterketarako entrenamendu herrikoi bat. (Argazkia: AB Krosa)

Gaur arratsaldean, Amara Berriko Illunki elkartetik abiatuta, AB Krosarako azken entrenamendu herrikoia egingo dute. Lasterketako ibilbidea lasai lasai errepasatu eta meriendatxo batekin bukatuko dute. Helburua denak elkartu, ondo pasa eta euskaraz egitea da, beraz edonork parte har dezake entrenamenduan! 19:00etan elkartuko dira. IV. AB Krosa larunbatean izango da, 19:00etan, Probestu plazan. Oraindik ez baduzu izena eman, azkar ibili eta sartu Herrikrosaren webgunean. Aurretik, haurrentzako jolasak ere prestatuko dituzte, eta lasterketaren ondoren zuzeneko musikaz gozatu ahal izango da Probestu plazan bertan. 2014an antolatu zuten lehen aldiz AB Krosa, kirolaren bitartez auzoan euskara sustatzeko asmoz. Helburua aldi berean adin eta gustu ezberdinetako jendea batzea izan da hasiera-hasieratik, giroa lasterketara soilik mugatu gabe.

Azken bideoak