Xabi Medranok egin ohi ditu jaietako kartelak.
Xabi Medrano auzotarrak marraztu du aurten ere Larratxoko jaietako kartela. Nahiz eta diseinu grafikoko ikasketak egin, ilustrazioa ez du ogibide. Halere, nabari da zainetan daramala marraztea eta sortzea. Eta jai batzordeko kide ere badenez, ongi ezagutzen ditu auzoko jaiak eta parte hartzaileak. Jaietako ekitaldiak eta jaietan ibili ohi den jendea irudikatu du 2017ko Larratxoko jaien kartelean. Larratxo jaietako azken hiru kartelak egin ditu Xabi Medranok; aurtengoa, laugarrena da. Hurrengo astean hasiko dira Larratxoko festak, ekainaren 8an. Hiru eguneko egitaraua jada prest dute Larratxokoek:
Ekainak 8, osteguna:
-17:15 Txokolate jana eskolako jolastokian.
-17:30 Haurrentzako futbol txapelketa eta beste jolasak.
-18:15 Thor magoarekin magia ikuskizuna plazan. Ondoren, Larratxoko jaietako alkatea hautatuko dute auzotarrek!
-19:30 Txupinazo berezia! Kamiseta zuriarekin joatea gomendatu dute, dena kolorez beteko baita!
Holi festa egingo dute! Ondoren, erraldoi eta buruhandiak.
-20:00 Helduen aretoko futbol txapelketa jolastokian.
-20:30 Zezensuzkoa plazan.
Ekainak 9, ostirala:
-11:00 Toka, bote eta igela txapelketa jolastokian.
-17:30 Haurrentzako txokolate jatea.
-18:00 Haurrentzako dantza festa.
-19:30 Pala txapelketa.
-19:30 Helduen aretoko futbol txapelketa jolastokian.
-19:45 Erraldoi eta buruhandiak Amarako dultzaineroekin.
-20:30 Zezensuzkoa plazan.
-20:45 Sardina eta saiheski jana.
-23:00 Rap jaialdia.
-23:30 Helduen danborrada herrikoia.
-23:30 DJ Ru plazan.
Ekainak 10, larunbata:
-12:00 Aiton-amonentzako hamaiketakoa Bellavista zahar etxean.
-11:00 Toka eta botea Txirrita plazan.
-12:00 Haur danborrada, Txirrita plazatik abiatuta.
-12:00 VII. Paella txapelketa.
-12:00 Garai bateko ibilgailuen kontzentrazioa.
-16:00 Mus txapelketa Lanbroa tabernan.
-17:00 Txikientzako jolasak eta puzgarriak.
-17:00 Auzoko dantza taldeak plazan.
-17:00 Auzoko aiton-amonentzako dantzaldia Bellavista zahar etxean.
-19:00 Beteranoen partida Manolo Olabarrietaren omenez.
-20:00 Erraldoi eta buruhandiak Amarako dultzaineroekin.
-21:00 Sardina eta saiheski jana.
-23:30 Umorezko bakarrizketa Alex Rabanalekin, Bertsolari elkartearen terrazan.
-00:00 Rock jaialdia: Dosis Grey, Holy Nuns eta Deklibe taldeak ariko dira zuzenean, jolastokian.
-00:00 Dantzaldia plazan.
-01:00 Karaokea Lanbroa tabernan.
Ekainak 11, igandea:
– 10:00 Haurrentzako xakea plazan.
– 11:30 Haurrentzako jolasak eskolako jolastokian.
– 11:00 Herri kirolen erakustaldia Inaxio Perurena harri jasotzailearekin eta aizkolari batekin.
– 12:00 VII. Sagardo Eguna eskolako jolastokian.
– 14:00 Zikiro jana plazan.
– 18:00 Haurrentzako antzerkia Markeliñe konpainiarekin.
– 19:00 Extremadurako Monfrague zentro kulturalaren Ecos de Extremadura abesbatzaren emanaldia.
– 20:00 Sonakai taldearekin, flamenkoa euskaraz.
– 20:00 Erraldoi eta buruhandiak Arraiketai txarangarekin.
– 21:30 Jai amaierako traka.
