Street Art topaketak suhiltzaileen egoitza hartuko du, bi egunez
Street Art topaketak egingo dituzte gaur eta bihar, suhiltzaileen egoitzan. Donostiako Udaleko Gazteria sailak antolatu du egitasmoa Prebentzio, Su itzalketa eta Salbamendu udal zerbitzuarekin batera. 16-25 urte bitarteko gazteen sormena sustatzeko eta kaleko artea, diziplina artistiko moduan aitortzeko helburua du. Kale artearekin loturiko jardueren aukera zabala egongo da.
