Sail Ofizialaren errepasoa egingo dute 'Zurriolako butaka' saioan
Ander Iriarte zinemagilea eta Joseba Errekalde Sebastiane sarien antolatzailea elkarrizketatuko dituzte
Zinemaldiko azken aurreko egunean, aurrera begira jarriko da Zurriolako butaka programa. Zazpigarren atalean, Ander Iriarte zinemagilearen proiektu berriak ezagutu, eta Joseba Errekalde Sebastiane sarien antolatzailea elkarrizketatuko dute. Urtzi Urkizu Berriako kazetariak ikusitako azken filmeen aipamena egingo du. Azkenik, kritikarien solasaldian, Sail Ofizialaren errepasoa egingo dute Gorka Bereziartua (Argia) eta Angel Aldarondorekin (Berria).
IRUTXULOKO HITZAren webgunean programa zuzenean ikusi ahal izango duzue 11:00etatik aurrera, helbide honetan.
Zurriolako butaka bost hedabideren arteko elkarlana da: Berria, IRUTXULOKO HITZA, Gaztezulo, Hamaika eta Zinea. 
