Zahartzaroan ere ekarpenak egin daitezke

BAGARA erakusketa aurkeztu dute udalak eta Donostia Lagunkoiak; Ramon Labaien plazan egongo da ikusgai urriaren 15 arte.

Lide Ferreira

2017/09/30

Bagara erakusketaren aurkezpena. (Argazkia: Donostiako Udala)

Donostiako Udalak, Donostia Lagunkoiaren bitartez, Adineko Pertsonen Nazioarteko Egunarekin – urriak 1 – bat egin eta BAGARA erakusketa aurkeztu du. Ramon Labaien plazan egongo da ikusgai urriaren 15 arte, eta Bagara webgunean. Helburua da aldarrikatzea zahartzea ez dela eragozpenik gizarteari ekarpenak egiten jarraitzeko. Izan ere, erakusketak islatzen du pertsona horien oraina eta gizarteak nola aprobetxatzen dituen euren talentuak eta gaitasunak. Erakusketan 80 gizon-emakume donostiarrek parte hartu dute (60 urtetik gorakoak), eta bere adibideekin aldarrikatu nahi izan dute zahartzea ez dela eragozpen bat gizarteari ekarpenak egiten jarraitzeko. 80 testigantza horiez gain, dei egin diete 60 urte baino gehiagoko donostiarrei Donostia Lagunkoiaren Facebook orriaren bitartez gizarteari euren ekarpenak egiteko modua azaltzeko.