Marruma Kulturalak kultur programa sortu dute Grosen
Proiektu berri bat jarri dute abian Grosen: igande kulturalak egingo dituzte Groseko Marruma elkartean. Pixkanaka abiada hartzen joango den egitasmoa izango dela azaldu dute antolatzaileek: “Kultur arloan herriari proiektu berriak jakinarazteko plataforma izango da Marruma Kulturalak, baina gauzak pixkanaka hasi behar dira, eta oraingoz, hilabeteko laugarren igandean kontzertu akustikoak eskeiniko ditugu”.
Lehen kontzertu akustikoa igande honetan egingo dute, azaroaren 26an, 19:00etan. Groseko kale Berriko Marruma elkartean izango da, eta Atazal taldea ariko da zuzenean. Donostiako taldearen proiektua gertutik ezagutzeko aukera izango du publikoa. Elkarrizketa egingo diote, eta diskoak zozkatuko dituzte.
