Emanaldia eskainiko du Carlos Martinez mimoak Giza Eskubideen Nazioarteko Egunean
Giza Eskubideen Nazioarteko Eguna da gaur, eta Donostiako Giza Eskubideen bulegoak eta Donostia Kulturak antolatuta Carlos Marinez mimoaren emanaldia egongo da 18:30ean Antzoki Zaharrean. Giza eskubideak da antzezlanaren izena eta sarrera doakoa da.
Martinezek Nazio Batuen Erakundeak 1948an onartutako Giza Eskubideen Aldarrikapenaren artikuluetan oinarritutako ikuskizuna aurkeztuko du. Giza Eskubideak antzezlanak ikusleak hunkitu nahi dituela azaldu du udalak eta, bereziki, Giza Eskubideak betetzen ote diren hausnartzea nahi duela gaineratu du: “Gure itxaropenen baina, aldi berean, baita gure frustrazioen ikurra, erakutsi nahi dizkigu”.