Errege Magoak zaldi gainean iritsi ziren iaz Kontxara. (Argazkia: Estitxu Zabala)
Ekialdeko Errege Magoak Urumean barrena iritsiko dira ostiralean Donostiara, eguraldiak laguntzen badu. Frantzia Pasealekuan lehorreratzeko asmoa dutela jakinarazi dute, Gabonetako Azoka bisitatzeko. Errioan ibiltzeko zailtasunak badaude, 11:00etan azokan bertan azalduko dira. Ondoren, iaz egin zuten bezala, hainbat auzo bisitatuko dituzte; eta jakinarazi dutenez, Gros, Bidebieta, Intxaurrondo, Amara eta Antigua bisitatzeko asmoa dute.
GOIZEKO IBILBIDEAREN ORDUTEGIA (planoa)
- 11:00. Gabonetako Azoka.
- 11:15 – 11:30. Katalunia Plaza (Gros)
- 11:45 – 12:00. Joan XXIII.a (Bidebieta)
- 12:30 – 12:45. Sagastieder Plaza (Intxaurrondo)
- 13:15 – 13:30. Olaeta Plaza (Amara)
- 14:00 – 14:15. Jose Maria Sert Plaza (Antigua)
Ondoren, Errege Magoak udaletxera helduko dira, eta udal ordezkariak agurtuko dituzte. Bazkalostean,
15:30ean, haurrak jasoko dituzte Udalbatza Aretoan, 17:30 arte (17:00etatik aurrera ezingo da Udaletxera sartu). Erregeen postariek haur guztien gutunak bilduko dituzte, erregeei emateko. Kabalkada
18:00etan hasiko da, eta hiriko erdialdeko kaleak zeharkatuko ditu (
Kabalkadaren planoa). Kabalkadan, erregeek bidelagunak izango dituzte: trikitilariak, txarangak, suhiltzaileak, tren turistikoa, autobus turistikoa, Dbusen autobus hibrido bat, eta Errege Mago bakoitzaren pajeak zein errege postariak, eta abere taldeak. Kabalkada 19:00ak inguruan bukatuko da; ondoren, erregeek hainbat ospitale bisitatuko dituzte.
