Euripean dantzan amaitu dute donostiarrek San Sebastian eguna

Irutxuloko Hitza

2018/01/21

Askorentzat azkarregi pasako zen arren, bere amaierara iritsi da aurtengo San Sebastian eguna. Urtero bezala, Unión Artesana danborradaren esku egon da banderaren jaitsiera, jendez gainezka zegoen Konstituzio Plazako oholtza gainetik. Gaur gauean bertara gerturatu direnen artetik bi protagonista berezi egon dira. Euria, bata, hiritarrei parranda izorratzeko gai izan ez dena, eta Richard Oribe, bestea. Aurtengo Urrezko Danborra oholtza gainean izan baita ere, guztiekin dantzan, donostiarron festari agur esaterako momentuan.