Osteguneko partida erabakigarria prestatzen ari da IDK Gipuzkoa

Estitxu Zabala

2018/04/10

IDK Gipuzkoako jokalariak, aste honetako entrenamendu saio batean. (Argazkia: Donosti Basket Neskak)

Gogotsu eta indartsu dabiltzala entrenatzen diote IDK Gipuzkoako kideek, joan den igandeko akatsak zuzentzeko. Ostegunean jokatuko dute partida erabakigarria, ligako play offean aurrera egingo duten erabakiko duena. Caceresen aurka garaipena lortu ostean sailkatu zen play offerako Azu Muguruzaren taldea, liga erregularra seigarren postuan bukatuta, 14 garaipen eta 12 porrotekin.

Kanporaketa fasea hiru partidetara jokatzen ari dira, Zaragozako Mann-Filter taldearen aurka (sailkapeneko hirugarren taldea). Irabazi egin zuten lehenengo partida (51-55), joan den ostegunean, Zaragozan. Igandean, berriz, Gaskan, galdu egin zuten (58-62). Ostegunean irabazten duenak lortuko du final erdietarako txartela.