LGTBIQen Eskubideen Nazioarteko Eguneko manifestazioa Donostian. (Argazkia: Irutxuloko Hitza)
Lesbianen, gayen, transexualen, bisexualen, intersexualen eta gueer-en askapen afektibo-sexualaren aldeko Nazioarteko Egunean, ekainaren 28an, manifestazioa egingo dute “Heteroaraua plazerez apurtuz” lelopean. Donostiako Transmarikabollo koordinadora feministak antolatu duen protesta da, eta Bulebarretik aterako da 19:30ean.
New Yorkeko Stonewall tabernan, 1969an izandako istiluen harira ospatzen da LGTBIQ eguna ekainaren 28an, eta mundu osoan zehar egun garrantzitsua da LGTBIQ komunitatearentzat. Aurten, LGTBIQ harrotasunaren eguna ospatzeaz gain, “sistema heteropatriarkal eta kapitalistak, LGTBIQ identitate disidenteen izaera politikoak” lapurtu dituela salatuko dute, eta, baita, “kontsumo-gai bihurtzen” saiatu dela ere. Praktika sexual anitzak eta plazera aldarrikatu eta, “familia nuklearra eta bizitzaren pribatizazioan oinarritzen diren eredu hertsiak” desobeditzeko deia zabalduko dute.
Manifestazioa egiteaz gain, hainbat jarduera antolatu dituzte eragile ezberdinek aste honetan zehar:
Ekainak 25
HITZALDIA:
Gure LGTBIQ+ eskubideak
- Hizlariak: Ramon Martinez (filologian doktorea eta LGTBIQ+fobiaren aurkako aktibista) eta Mikel Martin (EHGAMeko kidea).
- Antolatzailea: EHGAM – Euskal Herriko Gay-Les Askapenerako Mugimendua.
- Lekua: Koldo Mitxelena Kulturuneko areto nagusia.
- Ordua: 19:30.
- Hizkuntzak: Euskara eta gaztelania.
Ekainak 28
MANIFESTAZIOA: LGTBIQ askapen afektibo-sexualaren ladeko Nazioarteko Eguneko
- Lekua: Bulebarrean
- Ordua: 19:30
- Antolatzailea: EHGAM – Euskal Herriko Gay-Les Askapenerako Mugimendua
FESTA:
Harrotasun pintxada – Luntxa eta musika emanaldia
- Musikariak: DJ Miau eta DJ Eman Emak.
- Lekua: Aurresku taberna.
- Ordua: Manifestazioaren ostean.
Ekainak 29
FESTA:
Harrotasun festa
- Musikaria: Yogurinha Borova.
- Lekua: Friends diskoteka.
- Ordua: 23:00.
- Antolatzailea: Gehitu.
Ekainak 30
FESTA:
Kolorez festara
- Musikaria: DJ .
- Lekua: La Farandula taberna.
- Ordua: 23:30.
Uztailak 4
AURKEZPENA eta MAHAINGURUA:
Visibles dokumentala. Federico Armenteros, Ainhoa Urgoitia, Mikel Martin eta Gehituko kideak.
Ainhoa Urgoitia ekoizle euskaldunaren eskutik “Visibles” film labur dokumentalaren aurkezpena, LGTBI kolektiboaren hirugarren adinari buruz.
- Lekua: Koldo Mitxelena kulturuneko areto nagusia.
- Ordua: 19:00.
- Antolatzailea: Gehitu.
