‘Antxon Tolosa’ helduen areto-futboleko txapelketako taldeetako bat. (Argazkia: Irutxuloko Hitza)
Antxon Tolosaren memorian antolatutako kirol txapelketa ekainaren 25ean hasi zen eta bihar amaituko da, uztailaren 8an, alegia. Bihar izango dira kirol guztietako finalak, eta honakoa izango da ordutegia:
- 10:00: Haurren areto-futbola eta pilotako finalak, Trinitate plazan.
- 16:00: Mus txapelketako finala, Herria tabernan eta helduen areto-futboleko finala, Trinitate plazan.
- Final guztiak amaitzean: sari-banaketa.
Bada denbora “herriko eta auzoko memoria” ez galtzeko Parte Zaharrean hainbat jarduera antolatzen dituztela. Gaur egun, Herria elkartea da
Herriaren memoria. Izan zirelako gara, garelako izango dira egitasmoa antolatzeaz arduratzen dena. Lau ardatz ditu egitasmoak eta bakoitzaren baitan hainbat jarduera egiten dituzte. Alde batetik,
Oihane Errazkin marmitako lehiaketa eta
Olaia Castresana mendi martxa egiten dituzte. Bestetik,
Luisma Zabaleta argazki lehiaketa eta gainera,
Antxon Tolosa helduen areto-futbola, haurren areto-futbola, pilota (eskuz eta palaz) eta mus txapelketa era egiten dute.
Gaur izango da
Oihane Errazkin marmitako lehiaketa Trinitate plazan, eta horrez gain, gaur egingo dute
Luisma Zabaleta argazki lehiaketako sari-banaketa. 10:00etan hasi dute marmitako lehiaketa, eta 11:30ean hamaiketakoa egin dute. 13:30ean argazki lehiaketako sari-banaketa egin dute; aurtengo gaia “kolore berdea” izan da. 14:00etan hasi dute herri bazkaria eta errusiar entsalada, marmitakoa eta postrea izango da menua.
Olaia Castresana mendi martxa, uztailaren 22an izango da, Maulen.
