Azaroaren 18an Gure Esku Dagok egingo duen galdeketaren hautetsontziak aurkeztu dituzte

Iñaki Agirre

2018/10/28

Gure Esku Dago plataformak Donostian azaroaren 18an egingo duen galdeketan erabiliko diren hautetsontziak aurkeztu ditu gaur Aquarimean egindako ekitaldian. Lehenago, hainbat herritarrek ibilbide bat egin dute Parte Zaharreko kaleetan barrena, musikaz eta ikurrin erraldoi batez lagundurik, kaira iritsi arte.

Ikurriña erraldoia Parte Zaharrean barrena doa, Gure Esku Dagok azaroaren 18an Donostian egingo duen galdeketarako erabiliko diren hautestontziei harrera egiteko @irutxulo @GureEskuDagoDon @GureEskuDago pic.twitter.com/Dc7XfNqsom
— Iñaki Agirre (@ikiagirre) October 28, 2018

Bitartean, Aquarium barnean egindako ekitaldian galdeketan erabiliko diren hautetsontzien aurkezpen ofiziala egin dute, kutxak eraikin kanpoan zain zegoen jendarteari erakutsi aurretik. Aurkezpenean, bozka aurreratua bihartik aurrera abiatuko dela jakinarazi dute galdeketaren antolatzaileek, eta hiriko postontzietan guztira 80.000 eskuorri banatuko dituztela adierazi dute ere.

Hautestontziak Donostian dira jada @irutxulo @GureEskuDagoDon @GureEskuDago #Azaroak18Donostiagaldeketa pic.twitter.com/Pu2VyqXoUM
— Iñaki Agirre (@ikiagirre) October 28, 2018

Azaroaren 18an Gure Esku Dagoren galdeketa jasoko duen lehen hiriburua bilakatuko da Donostia, eta hiritarrei hurrengo galdera luzatuko zaie egun horretan: Nahi al duzu euskal herritarrok gure etorkizun politikoa geure kabuz eta aske erabakitzea?. Galdeketarako 37 hautesleku irekiko dituzte hiriko auzoetan, eta guztia antolatu ahal izateko izateko 1.000 boluntarioren laguntza beharko dutela aurreikusten dute Gure Esku Dagoko kideek. Jarraian aurkezpen ekitaldiak utzitako irudien bilduma: