54. Behobia-Donostia, iruditan

Irati Salsamendi

2018/11/11

Urtero legez, giro ederrean egin dute milaka herritarrek 54. Behobia-Donostia. Tenperatura altuak nabarmenak izan dira, eta korrikalari batzuek eguraldiaren ondorioak pairatu dituzten arren, ez da jazoera larririk gertatu. DYA-k adierazitakoaren arabera, 61 pertsona artatu behar izan dituzte proban zehar, eta bost pertsona eraman dituzte ospitalera; horietatik hiru Bidasoa Ospitalera eraman dituzte, eta bi Donostiakora. Aurtengo Behobia-Donostian nabarmen igo da emakumeen parte hartzea, alor guztietan. Izena eman duten 30.775 korrikalarietatik 7.534 dira emakumeak. Lasterketaren azken zatiaren irudiak bildu ditugu, eta OARSO BIDASOKO HITZAko lagunek ere argazki ugari bildu dituzte, ibilbideko hainbat puntutan: Pasai Antxon, Errenterian, Irunen eta Gaintxurizketan.