Antiguako Mikel Harategiak irabazi du Gipuzkoako hanburgesarik onenaren saria. Cebanc eskolan egin zuten lehiaketa, eta hamar harategik parte hartu zuten. Epaimahaiak nabarmendu zuen haragiaren kalitatea eta espezieen erabilera. Tolosako San Nicolas jatetxeko Xabier Ruiz izan da epaimahaiko kideetako bat, eta hanburgesaren alde hitz egin du: «Debate gogorra izan dugu. Ez da egon hanburgesa bat bestearen zapore bera duena, eta horrek lehiaketa aberasten du».
Mikel Arrillaga da harategiaren jabea eta harritua eta pozik agertu zen sariarekin: «Taldearekin banatuko dut saria». Hori bai, hanburgesaren errezeta sekretua dela esan zuen, eta ez zuen jakinarazi nola egiten duten. Igeldoko haragiarekin eginda zegoen saritutako hanburgesa, eta maitasun handiarekin egiten dituztela dio Arrillagak, bezeroen aurrean.
