Bidebietako Kontadores Zentroak jarduera artistikoak eta kulturalak programatzeko proposamenak aurkezteko deialdia ireki berri du. Deialdi honen helburua da bultzatzea bertako eta gazte izaerako sormen prozesuak, eta baita proposamen berriak Kontadoreseko eremuan integratzea ere. Proposamenak aurkezteko epea bihar, urtarrilak 11, irekiko da eta 25era arte egongo da zabalik, bi data horiek barne harturik. Parte hartzeko, Kontadoreseko webgunearen bidez,
honako eskaera inprimakia bete beharko da, eta dokumentazioa online aurkeztu beharko da
kontadores@donostia.eus helbidearen bidez.
Bi proiektu mota onartuko dira, Laborategiak edo lantegi trinkoak, eta Eszenak. Laborategien helburua da diziplina artistiko eta kulturalak bultzatzea, gazteen interesak eta gustuak kontuan hartuz. Laborategi horietan, gai zehatz bati buruzko formazioa eskaintzeaz gain, partaideen arteko harremanak bultzatzen dira eta saioetan dinamika bereziak sustatzen dira. Talde mugatuei zuzenduriko laborategiak izaten dira, 6 eta 15 pertsona bitarteko taldeak.
Eszenak, aldiz, arte biziekin erlazionaturiko proposamenak erakusteko eremua da (musika, antzerkia,
spoken word, poesia, ikus-entzunezko saioak, performanceak, dantza edo antzeko ekimenak). Modalitate honetan, proposamen amateur eta erdi-profesionalak onartuko dira, esaterako, pieza luzeak, motzak, inprobisazioak, entsegu orokorrak eta sormen prozesuan dauden piezak.
