Zinema eta moda uztartzen dituen zikloa aurkeztu dute
Donostiako Modaren Klusterrak zinema eta moda uztartzen dituen lehen zikloa egingo du hilaren 26an. Hubert de Givenchy diseinatzailea eta Audrey Hepburn aktorea izango dira protagonistak. Ikus-entzuleei zinemarako jantziak diseinatzeko lan prozesua ezagutzera emateko helburua du zikloak.
Hilaren 26ko zikloan bi filme proiektatuko dituzte Tabakalerako zinema aretoan. Batetik, Billy Wilder zuzendariaren Sabrina filma 11:45ean eskainiko dute, eta bestetik, Stanley Donen zuzendariaren Funny Face pelikula, 17:30ean. Ondoren mahai-inguru bat egingo dute, ondorengo gonbidatuekin: Helena Sanchis diseinatzailea, Ana Balda irakaslea, Josemi Beltran Donostia Kulturako kidea eta Laura Chamorro Moda Klusterreko arduraduna.
Sarrera doakoa da, baina izena eman behar da Moda Klusterraren webgunean.
