Gipuzkoako gaztetxe eta gazte asanbladen topaketak aurkeztuko dituzte Kijera gaztetxean
Gipuzkoako gaztetxe eta gazte asanbladen topaketak egingo dituzte martxoaren 22an, 23an eta 24an Hernaniko Kontrakantxa gaztetxean, eta larunbatean, otsailaren 23an, jardunaldien aurkezpena egingo dute Parte Zaharreko Kijera gaztetxean. Hamaika haritatik, soka berari tiraka! lelopean egingo dituzten topaketen aurkezpenean parte hartuko dute Añorgako gazte asanbladak, Antiguako Txantxarreka gaztetxeak, Intxaurrondoko Letaman gaztetxeak, Parte Zaharreko Kijera gaztetxeak eta Egiako gazte asanbladak.