Gimnasia erritmiko txapelketa bat egingo dute Karmelo Baldan
Donosti gimnasia erritmiko taldeko kideak, txapelketa batean. (Argazkia: Josean Rozada) 
Amara Berriko Karmelo Balda frontoian egingo dute larunbatean XVII. gimnasia erritmiko txapelketa, Donosti klubak antolatuta. Bi saio izango ditu txapelketak; goizekoa 10:10ean hasiko da, eta arratsaldekoa 16:00etan.
Euskal Herriko zein Espainiako estatuko gimnastek hartuko dute parte txapelketan, alebin kategoriatik senior kategoriara doazenak, eta ondorengo atalak izango ditu: Taldekako eskolarteko txapelketa, Oinarrizko bakarkako txapelketa, Goi mailako junior eta senior kopa lehiaketa, eta Goi mailako banakako lehiaketa.
