Frida Kahloren omenezko erakusketa ikusteko azken egunak
Aitziber Alonso, 'Frida Kahlo, artista eta aktibista' erakusketaren komisarioa. (Argazkia: EITB) 
Igandea, martxoaren 24a, izango da Aieteko kultur etxean ikusgai dagoen Frida Kahlo artista mexikarraren omenez egindako erakusketa ikusi ahal izateko azken eguna. Frida Kahlo, artista eta aktibista du izena erakusketak, eta Aitziber Alonso ilustratzaile donostiarrak egin ditu komisario lanak. Kahloren artelanen irudiak eta haren izaeran inspiratutako objektuak ikusi ahal dira erakusketan, Paoletta Balmelli artista suitzarrak egindako murala, besteak beste. Halaber, Alonsok Kahloren biografian oinarritutako ilustrazioak egin ditu, erakusketan ikusgai daudenak.
1954an, hil ondoren, izan du Frida Kahloren bizitzak eta lanak oihartzunik handiena. Mundu zehar Mexikoko kultura eta feminismoaren aldarrikapenen sinbolo bihurtu da.
