Aurrerapena
Beñat Sarasolaren deklarazioa jaso du Irutxuloko Hitzak
(Argazkia: Joseba Parron) 
Pasa den ostiralean argitaratu zuen Beñat Sarasola idazle donostiarrak Deklaratzekorik ez (Susa) aurreneko nobela. Pandora tabernan aurkeztu zuen familia, lagun eta literatur munduko hainbat pertsonen konpainian. Astebete beranduago, IRUTXULOKO HITZAk idazlearekin izandako elkarrizketa luze eta zabala irakurri ahal izango da, ostiral honetako astekarian.
Traizioa, fikzioa eta narrazioa. Hiru elementu horien inguruan galdetuta eman ditu erantzunak Sarasolak. Nobelaren idazketa prozesua, protagonistaren nolakotasuna, azalaren jatorria, karlismoaren garrantzia eta bestelako gaien inguruan aritu da idazlea.
Paperean ez ezik, elkarrizketaren laburpena bideoan ikusi ahal izango da. Hemen duzue aurrerapen txiki bat.
