Trintxerpeko biribilgunetik esan dio agur 21. Korrikak Donostiari
Donostiatik auzoz auzo ibili ondoren, Bidebietara iritsi da Korrika. Buelta txiki bat eman du han, eta Pasai San Pedro hiribidetik Trintxerpeko biribilgunera iritsi da. Hamarnaka lagun zeuden biribigunean Korrikaren zain, eta giro ederrean irten da Donostiatik, Pasaira bidean. 16:30etik 21:40era egon da 21. Korrika Donostian, eta Añorga, Antigua, Ibaeta Erdialdea, Gros, Parte Zaharra, Amara, Amara Berri, Morlans, Loiolako Erribera, Loiola, Martutene, Egia, Intxaurrondo, Altza, Herrera eta Bidebieta auzoetatik pasa da.