Etorriko al zara Bageralako Nor! festara?
Iritsi da eguna. Gaur, Bageralako Nor! festa egingo dute Bagera Elkarteak eta IRUTXULOKO HITZAk. Antiguako Doka antzokian izango da 19:00etatik aurrera, eta sarrerak salgai daude 5 euroren truke. Ondorengo lekuetan eskuratu daitezke: Plateron (Antigua), Pandoran (Gros), Aurreskun (Parte Zaharra), Irutxuloko Hitzan eta Bagera Elkartean.
Etortzen direnentzako luntxa egongo da. Egitaraua, berriz, askotarikoa izango da. Hasteko, Atzean Zuloa bakarrizketa saioa eskainiko dute, eta ondoren, Nerabe eta Kilimak musika taldeek kontzertua.
Festari bukaera emateko, North-asuna DJak eta Rude Kankak aretoa girotuko dute.
