Jardunaldi erabakigarria Bera Bera eta Gipuzkoa Basketentzat
Datorrena asteburu guztiz erabakigarria izango Gipuzkoa Basket eta Bera Berarentzat. Liga txapelketako azken partida jokatuko dute biek, eta biek daukate euren helburu preziatua eskuratzeko aukera.
Bera Bera izango da jokatzen lehena. Imanol Alvarezen neskek Alcobendaserako bidaia egin dute eta nola edo hala irabazteko esfortzua egingo dute gaur gauean. Garaipena lortuz gero, eta Rocasak bere norgehiagoka galtzen badu, donostiarrek denboraldiko bigarren titulua irabaziko lukete. Zaila izango da, baina ez da ezinezkoa.
Gipuzkoa Basketi dagokionez ere, gauzak ez dira errazak izango. Talde donostiarrak Real Madril jasoko du etxean, sailkapeneko liderra, eta datorren urtean saskibaloiaren maila gorenean jokatu nahi badu, neurketa halabeharrez irabazi beharko du. Balentria hori lortuz gero, Obradoirok galtzea eta Estudiantesek irabaztea izango dira mirarirako bi baldintzak. Zaila hau ere, baina ez ezinezkoa.
ESKUBALOIA
Emakumezkoen Ohorezko maila, 26. jardunaldia
- Alcobendas – Bera Bera (Ostirala, 21:00)
SASKIBALOIA
ACB liga, 34. jardunaldia
-
Gipuzkoa Basket –Real Madril (Igandea, 12:30)
