Zubietak irabazi du Gipuzkoako Errebote Txapelketa
Zubietako errebote txapeldunak (Argazkia: Noaua) 
Pasa den larunbatean jokatu zen Gipuzkoako Errebote Txapelketako finala, eta Zubietak 10 eta 13 irabazi zion Oiartzungo Txost taldeari. Zubietako errebote plazan jokatu zuten finalak ia hiru orduko luzera izan zuen. Noaua aldizkariak eman du albistearen berri.
5 eta 2 galtzen hasi baziren ere, markagailuari buelta ematea lortu zuten zubietarrek, eta hamarna berdindu ostean lortu zituzten txapela janzteko tantoak.
Hiru jardunaldiko lehen fasea gaindituta iritsi zen Zubieta finalera. Behar Zana (Villabona) eta Txost (Oiartzun) izan dituzte lehiakide zubietarrek. Iaz ere, Zubietak irabazi zuen txapela Txost taldeari 13 eta 2 irabazita.
