Aieteko Jolastokia. (Argazkia: Irutxuloko Hitza) Donostiako Udalak 2019ko aurrekontuak osatzeko egindako parte-hartze prozesuan aukeratu zuten proposamenetako bat aurrera eramateko prozesua abiatu du. Hain zuzen ere, Aieteko Jolastokiari estalkia jartzea. Eperik ez dute zehaztu.
Tokiko Gobernu Batzordeak gaur onartu du estalkia jartzeko dokumentazio teknikoa idazteko kontratuaren espedientea. 36.300 eurokoa da kontratua, eta ondorengo zerbitzuak barnebiltzen ditu: aurreproiektua, Plan Berezia eta kirol pistaren estalkia egiteko proiektua idaztea.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
