Julen Olaizola donostiarra Gipuzkoa Basketera itzuli da
Gipuzkoa Basket taldeak Julen Olaizola hegaleko pibot donostiarra fitxatu du datorren denboraldirako. Olaizolak Donostiako taldean jokatu zuen 2012tik 2016ra bitartean. Pasa den sasoian LEB Oro mailako Real Canoe Natacion Club taldean aritu zen.
Easo taldean abiatu zuen ibilbidea, eta hainbat taldetatik pasa da saskibaloi jokalari gaztea. Real Madrilen gazte taldeetan, Iraurgin, Gipuzkoa Basketen, Murtzian eta Real Canoen jokatu du.
Europako txapelduna izan zen Espainiako selekzioarekin hamasei eta hemezortzi urtez azpikoetan, eta brontzezko domina eskuratu zuen hogei urtez azpiko kategorian.
Bestalde, Donostiako taldeak atzo baieztatu zuen Xabier Bereza errenteriarra fitxatu duela datozen bi urtetarako. Horrela ere, Zilarrezko LEB mailako Iraurgi taldean ariko da utzita.
