Txirainek Antiguako pilota txapelketan oinarritu du bere aurtengo argazki lehiaketa
Antiguako Txirain elkarteak udako argazki lehiaketa egingo du aurten ere, eta honakoan auzoko pilota txapelketa hautatu dute gai gisa bere antolatzaileek. Argazkiak astearte eta asteazkenetan Antiguako frontoian jokatzen diren partidetan atera beharko dituzte parte hartzaileek, eta irudi onenaren egileak 200 euroko saria jasoko du.
Argazkiak txirain20@txirain.eus helbidera bidali behar dira, abuztuaren 25a baino lehen. Lehiaketaren nondik norakoak txirain.eus webgunean kontsultatu daitezke.
