Mozketak egingo dituzte bihar Erdialdeko kale batzuetan
Filmaketa bat dela eta, Donostiako Valentin Olano kalea ibilgailuentzat itxita egongo da 10:00etatik 17:00etara, eta Maria Kristina zubian aldizkako mozketak egingo dituzte ibilgailu eta oinezkoentzat, 12:00etatik 23:00etara. Udalak jakinarazi duenez, 12:00etatik 17:00etara Bilbo plazan eta Maria Kristina zubiean grabatuko dute, eta aldizkako mozketak egingo dituzte tarte horretan Gernikako Arbola pasealekuan, Prim kalean eta Maria Kristina zubian. Bestalde, 17:00etatik 23:00etara, filmatze prozesuaren araberako mozketak egingo dituzte Valentin Olano kalean eta Gernikako Arbola pasealekuan, oinezkoentzat zein ibilgailuentzat.
Aldaketa hauek Dbusek iragarritako aldaketetara batzen dira, autobusek ere zailtasunak izango baituzte bihar, filmaketa hori dela eta.
