AEK-k magiapoteoa egingo du Grosen Asier Kidam magoaren eskutik
Ikasturte berria ikasleen arteko harremanak indartuz abiatu nahi du Donostiako AEK-k, eta horretarako ekitaldi berezia egingo du astelehenean. Asier Kidam magoaren eskutik, magiapoteoa antolatu du egun horretarako, arratsaldea euskaraz eta giro onean pasatzeko asmoarekin.
Ekitaldia ikasleengan pentsatuz prestatu badute ere, poteoan parte hartzeko deia egin diete herritar guztiei. Grosen elkartuko dira, 19:00etan, eta tabernaz tabernako ibilbidea abiatuko dute gero, magia trukoen artean.
