Ghost Number donostiarrek izena laburtu dute bigarren diskoa plazaratzeko
(Argazkia: Mariamne Meraki) 
Izena laburtu du Donostiako Ghost Number taldeak. David Pisabarro musikaria da gidaria eta duela bost bat urte sortu zuen Ghost Number & His Tipsy Gypsies. Deitura egokituta Dirt & Other Spells bigarren diskoa argitaratuko dute azaroaren 23an. Egun berean aurkeztuko dute Egiako Dabadaba aretoan.
Hamaika abesti izango ditu lan berriak, eta Oiartzungo Lezoti estudioetan eta Donostiako 413 estudioetan grabatu dute. Masterizazioa, berriz, Donostiako Doctor Mastering estudioetan egin dute.
Welcome to Kamtar aurrerapen abestia jarraian entzun dezakezue. Mikel Antero artistak egin du bideoa.
Proposamen berezia du Ghost Number bandak. Lehen diskoan calypso, swing, country edo son kubatarra landu zituen. Bigarren diskoan garrantzia gehiago izango dute cumbia, lo-fi eta calypso doinuek.
