San Joan bezperako sua Aieteko Jolastokin. (Argazkia: Aieteko Euskara Batzordea) Bi hamarkada dira Aieteko Katxola baserria harriz harri lekualdatu zutenetik. Hain zuzen, Oriamendi pasealekutik Paradisu kalera mugitu zuten. Baserria, auzoko beste hainbat gune bezala, auzotarren aisialdiko jarduera ugariren testigu izan da urtetan, eta oraindik ere hala da. Zenbait bizilagun lanean ari dira, harriak pilatzen, auzoaren bizitzaren zimenduak sendo mantentzeko. Horietako batzuk dira Lantxabe auzo elkartea, Aieteko Euskara Batzordea eta ACD Aiete kultur eta kirol elkartea. Joan den ostiraleko astekarian, erreportaje batean jorratu genuen gaia, luze eta zabal. Orain, hiru eragileek helarazitako argazkiekin, eta Joseba Parron argazkilariak egindakoekin, bilduma bat osatu dugu.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
