Haurren elikadurari buruzko hitzaldi bat emango dute Amara Berrin
Elikadurak haurren eskola jardueretan duen eraginaren inguruko hitzaldi bat antolatu du Amara Berriko Auzo Elkarteak. Doako sarrera izango du hitzaldiak, eta Martzelino Soroa plazan auzo elkarteak duen egoitzan izango da ostegunean, hilaren 17an, 19:30ean. Gaztelaniaz emango du Emiliano Alonso Muñoz dietetika eta elikadura teknikariak, eta La influencia de la nutricion en el comportamiento y rendimiento escolar de los niñ@s izena izango du.
Dultzaina ikastaroa
Hitzaldiaz gain, dultzaina ikastaro bat ere antolatu du Amara Berriko auzo elkarteak. 15 urtetik gorako gazteei zuzenduta dago dultzaina instrumentua jotzen ikasteko ikastaroa, eta urriaren 28an izango da, Martzelino Soroa plazako egoitzan, 19:00etan.
