Aldaketa gehiago Tolosa hiribidean, asfaltatze lanak direla eta
Antiguako Tolosa hiribideko asfaltatze lanak beste fase batean sartu dira gaur, eta, horren ondorioz, aldaketa gehiago izango dira inguruan. Aldaketa horiek Dbuseko autobus linea hauetan izango dute eragina: 5 Benta Berri, 24 Altza-Gros-Antigua-Intxaurrondo, 25 Benta Berri-Añorga, 35 Antigua-Aiete-Ospitaleak, 45 Renfe-Bus Geltokiak-Antigua-Aiete eta B1 BentaBerri-Berio-Añorga. Donostiako Udalak jakinarazi du kalea “apurka-apurka” asfaltatzen jarraituko dutela, beraz, aldaketa berriak aurrerago jakinaraziko dituzte.
Erdialderantz, honako aldaketak izango dira:
- Unibertsitatea-Tolosa 77 eta Unibertsitatea-Tolosa 95 geltokiak kendu egingo dituzte, eta metro batzuk aurrerago eraman, Europa plazarekiko bidegurutzerantz; behin-behineko zurtoina jarriko dute erreferentzia gisa.
- Tolosa 111 geltokia dagoeneko bertan behera dago, eta Ibaetako biribilgunera eraman dute, behin-behineko zurtoin batera.
Era berean, Lurraldebuseko autobus lineetan ere aldaketak izango dira. Antiguatik sartzen diren zerbitzuen geltokia (Tolosa hiribidea 111) Ibaeta biribilgunera aldatuko dute. Era berean, unibertsitateen aurreko Tolosa 77 geltokia Musikene aurreko Tolosa 69 geltokira aldatuko dute.
Unibertsitateen aurreko Tolosa 77 geltokia Musikene aurreko Tolosa 69 geltokira mugituko dute. (Argazkia: Lurraldebus)
Tolosa 111 geltokia Ibaeta biribilgunera mugituko dute. (Argazkia: Lurraldebus)
