Gabonetako festa egingo du Donosti Lindy Hop elkarteak
Donostia Belle Swing jaialdian udaletxean egin zuten lindy hop dantzaldi irekia. (Argazkia: Beñat Parra)Beñat Parra 
Gabonetako swing festa egingo du Donostia Lindy Hop Dantza eta Kultur Elkarteak, hilaren 14an, 22:00etan. Añorgako zinema zaharrean egingo dute festa, eta hiru talderen zuzeneko musika izango dute dantzatzeko: Voodoo Charms, Gildas Hot Club eta Doc Scanlon’s Cool Cat Combo. Sarrerek bost euroko prezioa izango dute elkarteko bazkideentzat eta hamar eurokoa bazkideak ez direnentzat, eta hemen eskuratu daitezke.
Era berean, lindy hop eta jazz solo klaseak emango dituzte hilaren 13an eta 14an, Isa eta Carlos irakasleekin, 30 eta 65 euro arteko prezioekin. Ikastaro horien informazio guztia eta izena emateko formularioak festako sarreren helbide berean daude.
