'Ber(ts)o saio erotiko festiboa' egingo dute Pandora tabernan
Bagera elkarteak eta Kaixomaitia.eus plataformak ‘Ber(ts)o saio erotiko festiboa’ egingo dute ostegunean, 20:00etan, Groseko Pandora tabernan. Kijera gaztetxeko, Añorgako eta Bagerako bertso eskoletako kideek hartuko dute parte saioan, eta herritarrek euren gai propioak proposatzeko aukera izango dute esteka honen bitartez. Gainera, gaiak proposatu dituztenen artean, zozketa bat egingo dute saioaren egunean.
Azken urteetan, “euskararen erabilera zabaltzeko asmoz”, elkarlan eta lankidetza eredu berriak lantzen ari da Bagera elkartea eragile desberdinekin. Ostegunekoa, Kaixomaitia.eus euskaldunen harremanetarako interneteko gunearekin egingo dute lehenengoa izango da.
