Garaipen garrantzitsua lortu du Ibaeta Basketek
(Argazkia: Naia Fernandez) 
Sailkapenaren beheko postuetatik urruntzeko garaipen garrantzitsua lortu zuen Ibaeta Basketek Gernika Bizkaiaren kontrako euskal derbian. Lehia estua izan zen bi taldeen artekoa, eta Donostiakoek beste batzuetan egindako akatsak ahaztu, eta hiru puntuko aldearekin hartu zituzten mendean bizkaitarrak. Eskubaloian, Bera Berak lidertza sendotu du etxean Valladolidi irabazita. Sailkapenaren buruan daude 15 punturekin, eta 3 puntuko aldea ateratzen diote bigarrenari.
Futbolean ere euskal derbia izan dugu asteburuan. Realak estu eta larri irabazi zion atzo Osasunari Sadar futbol zelaian. Lehen zatian hiru goleko errenta lortu arren, nafarrek aukera izan zuten talde txuri-urdinari beldurra sartzeko. Partida lehiatua eta entretenigarria izan zen, eta azkenik, Realak eskuratu zuen saria 3 eta 4 irabazita. Bestalde, Realeko nesken neurketa bertan behera utzi zuten haizeteengatik. Galizian jokatzekoak ziren Deportivoren kontra.
Azkenik, izotz hockeyan ez da jardunaldirik onena izan Txuri Urdinen goi mailako bi taldeentzat. Gizonek etxean galdu zuten Majadahondaren aurka, eta emakumeek Puijcerdaren izotz pistan.
SASKIBALOIA
Emakumezkoen lehen maila, 13. jardunaldia
- Gernika Bizkaia 67 – Ibaeta Basket 70
ESKUBALOIA
Emakumezkoen ohorezko liga, 8. jardunaldia
- Bera Bera 30 – Valladolid 23
FUTBOLA
Gizonezkoen lehen maila, 18. jardunaldia
- Osasuna 3 – Reala 4
IZOTZ HOCKEYA
Gizonezkoen senior maila, 13. jardunaldia
- Txuri Urdin 4 – Majadahonda 7
Emakumezkoen senior maila, 13. jardunaldia
- Puijcerda 5 – Txuri Urdin 4
