Kultur proposamenak jasotzeko deialdia ireki du Kontadoresek
Kontadores Gazte Zentroak jarduera artistikoak eta kulturalak programatzeko proposamenak jasotzeko deialdia ireki du. Hilaren 26an bukatuko da epea, eta parte hartzeko Kontadoresen webgunean dagoen eskaera inprimakia bete behar da. Oinarriak, berriz, hemen irakurri daitezke.
Aurkeztu daitezkeen proposamenak bi eratakoak izan daitezke: Laborategiak (lantegi trinkoak) eta eszena proposamenak (arte biziekin erlazionaturiko pieza eszenikoak).
Deialdiaren helburua da bultzatzea bertako eta gazte izaerako sormen prozesuak, eta proposamen berriak integratzea Kontadoreseko eremuan.
Kontadoresek egingo du proposamenen balorazioa eta harremanetan jarriko da izena-eman duen pertsona edo taldearekin.
