Antiguako kaldereroen desfilea dela eta, aldaketak izango dira autobus lineetan
Dbusen 5 Benta Berri lineako autobus bat, Bulebarrean. (Argazkia: Dbus) Bihar, hilaren 7an, 20:30etik 22:30era gutxi gorabehera Matia kalea itxita egongo da Antiguako kaldereroen desfilea dela eta. Hori dela eta, 5 Benta Berri linea Zumalakarregi eta Tolosa hiribideetatik igaroko da. Hortaz, bertan behera geratuko dira Matia, Benta Berri, R.M. Azkue, R.M. Azkue 32, eta Zarautz 90 eta 122 geltokiak; horiek Zumalakarregiko eta Tolosa hiribideko geltokietara lekualdatuko dituzte.
