Espetxetik irten dira Santi Coca gaztearen heriotzaren sei susmagarrietako bost
Klub Nautikoaren alboko bidean gertatu zen erasoa. 
2019ko apirilaren 28an hil zen Santiago Coca gazte donostiarra, Parte Zaharreko diskoteka batean izandako borroka baten ondorioz. Erasoarekin loturiko zazpi gazte atxilotu zituen Ertzaintzak, 18 eta 25 urte bitartekoak, eta horietatik sei espetxeratu zituzten. Orain, Donostiako 1. instrukzio epaitegiak behin-behineko askatasuna agindu du sei susmagarrietako bostentzat.
Epailearen erabakia Auzitegiko Medikuntzako Euskal Institutuak joan den otsailaren 5ean argitaratutako autopsiaren emaitzaren ondorioa izan da. Autopsiaren arabera, gazteak pairatutako traumatismoak “garrantzia gutxikoak” izan ziren; era berean, ez du adierazitakoak ez ditu heriotza eragin zion hemorragia zerebralaren arrazoiak frogatzeko froga eztabaidaezinik aurkezten. Horregatik, ez du zehazten kausa “homizida” edo “naturalak” izan ziren heriotza eragin ziotenak.
Autopsiaren emaitzak ezagutu ostean, gazte susmagarrien defentsak euren askatzea eskatu zuen. Epaitegiak horietako bosten askatzea onartu du, fiskaltzaren aurkaritzarik gabe. Hala ere, auzia daraman epaitegiak kautelazko neurri ezarri dizkie bost gazteei, ihesik ez egiteko: pasaportearen kentzea, atzerrira bidaiatzeko debekua eta hamabost egunetik behin egoitza judizialen batean agertzeko betebeharra.
