Grosen bazkari baten bueltan ospatuko dituzte inauteriak
Groseko inauterietako egitaraua.
Inauterietako festak girotzeko programa prestatu dute Grosen larunbat honetarako. Eguerdian bazkaria egingo dute Pandora Tabernan, 13:30ean. Bazkariaren ondoren, 17:00etan, Nafarroa Behera plazatik hasita buruhandi eta erraldoiak izango dira. 18:30ean txokolate jana egingo dute Artetxe Jeneralaren kalean. Ordu eta leku berean DJ Jo ta txo arituko da kalea girotzen, eta 21:30etatik aurrera ere musika ez da faltako.
Egitaraua askoren artean antolatu dute: Groseko jai batzordea, guraso elkartea, Ubarroiak, Pandora Taberna, Pagadi, Ricardo, Roberto eta Tasca.
