Atzean Zuloa: 'Bertsofilikoa'
Sarean da Atzean Zuloa youtubeko kanalaren bideo berria. Hirugarren denboraldiko hirugarren bideoa da Bertsofilikoa. Izenburuak dioen bezala, bideoaren protagonistak bertsolaritzarekiko zaletasun izugarria du. Bideoan zehar bertsolaritzaren alderdi positiboak goraipatzen ditu protagonistak.
2018ko azaroan sortu zuten kanala, eta hirugarren denboraldia da oraingoa. Egitasmoak jarraipena emango dio orain arte argitaratutako bideo sortari, eta ostiralero bideo bat aterako dute hemendik aurrera, guztira, hamar pertsonaia berri aurkezteko; dagoeneko, hiru aurkeztu dituzte: “begirale eternoa”, “nostalgikoa”, eta oraingoan, “bertsofilikoa”.
