Atzean Zuloa: 'Egunean Behin frikia'
Sarean da Atzean Zuloa youtubeko kanalaren bideo berria. Bere hirugarren denboraldian murgilduta dabil kanala, eta denboraldiko seigarren bideoa da Egunean Behin frikia. Protagonista Egunean Behin jokoarekin katigatuta dago, eta behartuta egongo balitz bezala jolasten du, nahiz eta ez duen inork behartzen. Era berean, talde guztietan lehenengo sailkatua dela nabarmentzen du bere familiakoan izan ezik, non “osaba Ramonek” beti irabazten dion.
Ostiralero bideo berri bat argitaratzen ari dira kanalean, hirugarren denboraldiaren baitan. Guztira, hamar pertsonaia berri aurkeztuko dituzte, eta dagoeneko sei aurkeztu dituzte: Begirale eternoa, Nostalgikoa, Bertsofilikoa, Kokologista, Gidabaimenik gabea eta, oraingoan, Egunean Behin frikia.
