566 pertsona kutsatu dira koronabirusarekin Donostian
Azken datuen arabera, astelehenetik asteartera bi kasu berri besterik ez dira zenbatu hirian. Duela bi egun, koronabirusarekin kutsatutako donostiarrak 554 ziren, baita duela hiru egun ere.
Osakidetzak bildutako datuen arabera, Donostian 566 dira koronabirusak kutsatutako herritarrak, astelehenean baino bi gehiago besterik ez. Datu hauek atzo, asteartea, 20:00ak arte bildutakoak dira, eta beraz, kutsatuen kopurua hazi egin dela aurreikusi daiteke. Hala ere, kopurua asko jaitsi da azken egunotan, eta igandea eta astelehena bitartean ez zen positibo berririk egon Donostian. Duela bi eta hiru egun, beraz, koronabirusarekin kutsatutako 564 bizilagun donostiar zeuden, duela lau 554, eta duela bost, berriz, 530.
Bestalde, Gipuzkoako ospitaleetan 33 kasu berri zenbatu dira. Donostiako ospitalean 25 pertsona ospitaleratu daude ZIUn, 74 solairuetan, eta zortzi pertsonak alta jaso dute.
Kasu kopuru handienetik txikienera ordenatuta, Gasteiz da positibo gehien dituen EAEko udalerria 2.771 kasurekin. Ondoren, Bilbo, 2.357kasurekin, hirugarren, Barakaldo, 671 kasurekin, eta laugarren, Donostia, 566 kasurekin.
(Iturria: Eusko Jaurlaritza)
(Iturria: Eusko Jaurlaritza)
Erkidegoko osasun eremuen araberako zerrendatzea ikusita, hala banatu dira kutsatzeak Donostiako osasun eremuetan:
- Altza-Roteta: 129
- Ondarreta: 108
- Amara Berri: 77
- Gros: 67
- Amara-Erdialdea: 35
- Egia: 35
- Parte Zaharra: 31
- Intxaurrondo: 23
- Loiola: 19
- Bidebieta: 17
