Youtube bidez egingo du Bagera elkarteak apirileko Bikografiak saioa
Konfinamendu neurriek ez dute Bagera elkartearen erritmoa gelditu, eta antolatutako egitasmoei heltzeko ahalegina egiten ari dira. Horrela, apirileko Bikografiak saioa elkartearen Youtube kanalean egongo da ikusgai, apirilaren 30ean, 19:30etik aurrera.
Hilabete honetako gonbidatuak Ines Garcia, Tobacco Days liburu dendako arduraduna, DJa eta irrati esataria, eta Aitor Etxebarria konpositore eta musikaria izango dira. Oraingoan, saioaren gidaria Leire Palacios kazetaria eta kultur kudeatzailea izango da. Hain zuzen, Palaciosek errepikatu egingo du, izan ere, dinamizatzaile lanak egin zituen iazko abenduko Bikografiak saioa, eta Olatz Salvador eta Telmo Trenor musikariak izan ziren gonbidatuak.
Bikografiak saioetan bi parte hartzaileen biografien errepasoa izan ohi s solasaldiaren abiapuntua. Bakoitzaren alde publiko zein ezagunaz gain, euren bizitzen inguruan aritzen dira, euskararekin duten lotura ere aztertuz.
