Gorka Otxoa eta Josemi Beltran izango dira maiatzeko Bikografiak saioko gonbidatuak
Bagera elkarteko maiatzeko Bikografiak: bi ibilbide elkarrizketan saioak zinema izango du ardatz. Izan ere, Gorka Otxoa aktoreari eta Josemi Beltran Donostia Kulturako Zine arduradunari egingo diete elkarrizketa. Saioa Amaia Portugal kazetariak gidatuko du eta maiatzaren 21ean, 19:00etatik aurrera izango da ikusgai elkartearen Youtubeko kanalean.
Bikografiak saioaren helburua da, modu informal batean, bi elkarrizketatuen ibilbideez solasean aritzea, bai alde ezaguna bai baita alde ezezaguna ere, eta biek euskararekin duten lotura aztertzea.
