Julia Gladkova hegaleko jokalaria fitxatu du Ibaeta Basketek
Julia Gladkova saskibaloi jokalaria. 
Ibaeta Basketen ariko da Julia Gladkova hegaleko jokalari errusiarra. 26 urte ditu eta 1,85 metroko garaiera. Donostiako saskibaloi taldeak 2020/2021 denboraldirako egin duen bigarren fitxaketa da. Horrela, zazpi dira datorren sasoirako lotuta dituzten jokalariak: Lara Gonzalez eta Joyce Cousseins-Smith joko antolatzaileak, Laura Garcia eta Mehryn Kraker eskoltak, Maria Eraunzetamurgil eta Gladkova hegaleko jokalariak, eta Meiya Tirera.
Errusian trebatu zen eta bere herrialdeko selekzioarekin iazko udan jokatu zen Europako txapelketan parte hartu zuen. Moskuko Spartak, Eslovakiako Rucon Spisska Nova Ves eta Errumaniako Satu Mare taldean aritu da, eta Emakumezkoen liga ere ezagutzen du. Bembibre taldean aritu zen 2018/2019 denboralditik gaur egun arte.
