Guneak Zabaltzen topaketak egingo dituzte larunbatean Uliako Mintegietan
Larunbatean egingo dituzte topaketak, "Bizitza zaintzen; nola prestatu etorkizunerako?" izenpean.
Guneak Zabaltzen topaketen egitaraua. 
Politki gizarte, kultur eta hezkuntza elkarteak laugarren Guneak Zabaltzen topaketak antolatu ditu larunbat honetarako. 10:30ean egingo dute harrera Uliako mintegietako negutegian, eta egun osoko egitarau batekin “bizi garen hiria” birpentsatzeko asmoa dute.
Laugarren topaketa hauetan “ezinegon eta ardura” orokortutik abiatu nahi dute, hausnarketa kolektibo baten bidez “hiriaren premiak, aukerak eta ametsak” identifikatzeko.
Uztailak 4, larunbata – 10:30 – 18:30 – Uliako mintegiak
· Bazkaria bertan izango da, bakoitzak etxetik eramandakoarekin.
· Osasun-egoera dela eta, segurtasun-neurriak betetzeko materiala eramatea eskatu dute.
