Antigua, Erdialdea eta Egiako hauteskunde-mahai batzuk aldatuko dituzte
Egiako hautesleku bat. 
Hilaren 12ko Eusko Legebiltzarrerako hauteskundeetan Donostiako hamabost hauteskunde-mahai lekuz aldatuko dira. COVID-19aren eta indarrean jarritako osasun protokoloen ondorioz harturiko erabakia da. Zehazki Antigua, Erdialdea eta Egia auzoetan egingo dituzte aldaketak.
Zuzenbide Fakultateko hamar mahaiak Ignacio Maria Barriola Zentroa-Gelategira (Elhuyar plaza, 1) aldatuko dira. Urbieta Ikastetxe Publikoko bi mahai, Arroka plazako Udalinfo bulegora. Eta azkenik, Musika eta Dantza eskolako hiru mahai Dantza eskolara (Nestor Basterretxea plaza, 3).
Hauteslekuen zerrenda Donostiako Udalaren webgunean kontsultatu daiteke.
